ЛУТРА ЕДИПСОС
Едипсос или Лутра Едипсос е најпознатата и најстарата бања во Грција, специфична по комбинацијата од термалните извори во море. Во прилог на тоа дека се работи за една од најстарите бањи оди и фактот што бањата се спомнува во делата на славниот грчки филозоф Аристотел. Во Римско време тука поминале Хадријан, Септимиј и Марко Аурелиј, од овој периот се славните римски бањи – Сила.
Термин: 18 Април 2025 | 4 дена - 3 ноќи | Автобус
1ден/ 18.04 (петок) СКОПЈЕ - ЕДИПСОС
Состанок на групата на паркингот кај спортската сала Борис Трајкосвски (кај пералните) во 00:30 часот (после полноќ). Поаѓање за Евија во 01:00 часот. Патувањето се одвива преку граничниот премин Богородица со кратки паузи за одмор и обавување на царински формалности. Во утринските часови пристигнување на пристаништето Глифа. Качување на брод траект (пловидба 30мин). Пристигнување на вториот по големина остров во Грција, островот Евија кај местото Агиос Кампос. Кратко возење до една од најпознатите бањи во Грција, Лутра Едипсос. Сместување во Галини на плажа. Краток одмор од патувањето и заминување на пешачки разглед и запознавање со местото: пристаништето, променадата, хотелот Термо Сила сè до термалните извори кои директно се влеваат во Егејското Море. Слободно време за индивидуални активности, релаксација и одмор. Можност за користење на термалните извори. Вечера. Ноќевање.
2ден/ 19.04 (сабота) ЕДИПСОС - ПРОКОПИ - ЕДИПСОС
Појадок. Ден предвиден за полудневен факултативен излет до на местото Прокопи познато по манастирот посветен на Св. Јован Руски. Се верува дека моштите на овој светец кои се положени тука се чудотворни и лековити, заради што манастирот годишно привлекува голем бројни верници. Покрај самата црква поставени се неколку убави кафулиња и продавнички каде се продаваат традиционални локални сувенири. Враќање во хотел. Слободно попладне за индивидуални активности, релаксација и користење на термалните извори на отворено. Вечера. Вечерта, следење на велигденските процесии и хорови низ центарот на Едипсос кои се пресретнуваат во централната градска црква, единствено искуство и уживање кое ќе го паметите цел живот. Ноќевање.
3ден/ 20.04 (недела) ЕДИПСОС - АГИОС - ЕДИПСОС
Појадок. Слободно време за индивидуални активности и прошетки. Можност за капење во природните базени со минерална вода кои се вливаат во морето. Во попладневните часови организиран традиционален велигденски ручек со богато национално мени и музика. Во приквечерните часови организирано заминување кон планинското место Агиос, познато по традиционалната прослава на Велигден, прекрасно искуство каде ќе бидеме сведоци на традиционалната велигденска прослава на островјаните, традицонални грчки песни и уживање во небото на зајдисонце исполнето со балони во најразлични бои... Враќање во Едипсос. Ноќевање.
4ден/ 21.04 (понеделник) ЕДИПСОС - АГИОС - ЕДИПСОС
Појадок. Слободно претпладне за индивидуални активности. Во договорено време напуштање на собите и заминување кон Агиос Кампос, качување на брод траект и продолжување кон Глифа. Дневно возење со попатни паузи за одмор и обавување на царински формалности. Пристигнување во Скопје во вечерните часови.
Цена на аранжманот: 199€ / 12.340 мкд
Промо цена: 189€ / 11.720 мкд (за резервации до: 15.03.25)
Промо цена: 179€ / 11.100 мкд (за резервации до: 28.02.25)
Во цената на аранжманот е вклучено:
- Превоз со туристички автобус на наведената релација;
- Сместување во хотел по избор на база 3 ноќевања;
* Хотел Галини 2* на сама плажа, на 700м од центарот на Едипсос;
- Исхрана на база полупансион (појадок шведска маса и вечера сет мени);
- Традиционален велигденски ручек со богато национално мени и музика;
- Бродски превоз на релација Глифа – Агиос Кампос – Глифа;
- Организација и реализација со туристички придружник;
- Туристичка такса.
Во цената на аранжманот НЕ е вклучено:
- Задолжително патничко осигурување;
- Факултативна посета на Прокопи 15€ (минимум 25 пријавени);
- Влезници по културно - историски музеи, индивидуални трошоци.
ПОПУСТИ И ДОПЛАТИ:
- Доплата за одбирање на ред на седење во автобус - 10€;
- Доплата за еднокреветна 50€/3.100 мкд од цената на аранжманот;
- Трето возрасно лице на дополнително легло – 10% од цената на аранжманот;
- Дете 2-10год. во придружба на 2 возрасни плаќа 50€/3.100 мкд;
- Доплата за дополнително седиште во автобус 65€/4.030 мкд.
НАПОМЕНА:
- За реализација на аранжманот потребен е минимум од 40 патници.
- За патувањето е потребно да поседувате валиден биометриски пасош, најмалку 3 месеци пред истек.
- Организаторот го задржува правото во случај на недоволен број на пријавени, да го откаже аранжманот најдоцна до 7 дена пред поаѓање.
- За реализација на факултативните излети потребен е минимум од 30 патници, организаторот го задржува правото во случај на недоволен број на пријавени да ја промени цената на факултативата или истата да ја откаже.
- Седиштата во автобус се распределуваат по ред на уплата, доколку имате одредени барања за поинаква распределба во автобусот истата услуга е со доплата.
- Плаќањето се врши исклучиво во денарска противредност по курс 1€=62мкд.
За овој аранжман важат општите услови на патување на СКТМ.
