TA Mediteran

 Ставрос е идеално место за семејно летување, за оние кои сакаат да поминат релаксирачки одмор, како и за млади. Има особено блага клима, песочни плажи кои во еден дел од градот се со нагласено плитко море и развиена трговска мрежа која за време на летниот период е во постојана функција на туристите. Градот е оддалечен од Солун само 80 километри, а во непосредна близина се наоѓаат туристичките места Неа Врасна и Аспровалта со кои е поврзан со автобус кој сообраќа преку целиот ден. Градот изобилува со маркети, ресторани, таверни, кафетерии, слаткарници, пекари, продавници за гардероба и сувенири... Во центарот на градот има луна парк и најразновидни забавни игри за децата, убаво уреден парк, мало пристаниште, банка... Во близина на Ставрос се наоѓа познатото место Олимпијада каде Ви препорачуваме да ја посетите фантастичната Платинеста плажа.

Апартхотелот „Alexander Inn“ е лоциран на само 50 метри од плажата во Ставрос. Во состав на хотелот има пица-ресторан и кафе бар, а во дворот на хотелот има преубав базен опкружен со лежалки и чадори кој им е на располагање на гостите. Во прекрасниот амбиент на хотелскиот комплекс посебен простор е уреден за најмладите-детското катче е опремено со играчки каде децата безбедно можат да се забавуваат. Во нашата понуда имаме трокреветни студија на високо приземје и на прв спрат кои имаат тераси со директен и бочен поглед кон базенот. Сите сместувачки капацитети се опремени со мебел соодветен на хотелско сместување, купатила, мини кујна, телевизор и клима уред чие користење е вклучено во цената, а постелнината и крпите се менуваат еднаш во текот на десет дена. Затоплувањето на водата во целиот објект е со сончеви колектори, а хотелот е покриен со безжичен интернет. Агенцијата како организатор на патувањето не може да влијае на капацитетот и периодите со топла вода во вилата, ниту да биде одговорна за квалитетот на интернет конекцијата. Хотелот има сопствен паркинг. 

НАПОМЕНА

• -  Цените се дадени за наем на цело студио/апартман без превоз.
• -  Сместувањето во собите е после 14:00 по локално време, истите се напуштаат во 09:00 по локално време.
• -  За хигиената во собите во текот на престојот се грижат самите клиенти.
• -  Во собите е дозволено сместување на лица согласно со бројот на легла. 
• -  Цените се израени во ЕУР за уплата во денарска против вредност 1€ = 62мкд.
• -  Поаѓање од Скопје и Кавадарци.

ПОПУСТИ И ДОПЛАТИ

• -  Доплата за превоз: 50€ за возрасни / 40€ за деца  до 12год. Деца до 2год - бесплатно (без седиште). Цена за билет во еден правец 40€, деца од 2-12год. 35€.
• -  Доплата за туристичка такса - 2€ по соба на ден (се доплаќа во агенција).
• -  При резервација задолжителна уплата на аконтација од 30%, во случај на откажување, уплатената аконтација не се враќа.
• -  Доплата за патничко осигурување.

  За овој аранжман важат општите услови на патување на СКТМ.